Transpose માં નવું: Studio, Stem Mix અને સંગીત વિશ્લેષણ
Compact અને Studio માં નવી સુવિધાઓ જુઓ: Stem Mix, કૉર્ડ, બીટ અને સુધારેલાં રિયાઝનાં સાધનો. Pro ઍક્સેસ ચાલુ રહે છે; દરેકને ત્રણ ગીતો માટે Studio મળે છે.
Transpose હવે સંગીત શીખવા અને રિયાઝ કરવા વધુ રીતો આપે છે: Compact માં સુધારેલાં નિયંત્રણો, Side માં લવચીક Studio કાર્યસ્થળ અને અલગ ધ્વનિભાગ સાંભળવા, કૉર્ડ અનુસરવા તથા રિયાઝના સિક્વન્સ બનાવવા માટેનાં સાધનો.
પહેલેથી Pro વાપરો છો? Studio માં સ્વાગત છે
Transpose Pro (2025 આવૃત્તિ) હવે Transpose Studio છે. તમારી હાલની Pro ઍક્સેસ ચાલુ રહે છે અને તેની માન્યતા સુધી અમર્યાદ Studio ગીતો સામેલ છે. નવાં Studio સાધનો પણ તેમાં મળે છે.
ઝડપી ફેરફાર માટે Compact વાપરતા રહો અથવા Side ખોલીને Stem Mix, સંગીત વિશ્લેષણ, સીન અને સુધારેલી ક્લિપ અજમાવો.
Compact માં શું નવું છે?
બ્રાઉઝરના ટૂલબારમાંથી ખૂલતી નાની વિન્ડોમાં રોજના રિયાઝ માટે નિયંત્રણો સુધાર્યાં છે:
- ઝડપી A–B લૂપ: ગીત વાગતું હોય ત્યારે ભાગની શરૂઆત અને અંતની નિશાની કરો, પછી તે ભાગ ફરી વગાડો.
- લૂપની રેન્જ પસંદ કરો: રેન્જ નિયંત્રણથી રિયાઝનો ભાગ પસંદ કરો.
- ગીતની પટ્ટી: કયું ગીત નિયંત્રિત કરો છો તે જુઓ; ગીતના વિકલ્પો માટે પટ્ટી વિસ્તારો. Studio ગીતોમાં સક્રિય ઑડિયો સેટિંગ પણ દેખાય છે.
- Compact અને Side વચ્ચે બદલાવ: સંગીતની બાજુમાં વધુ નિયંત્રણો જોઈએ ત્યારે મોટા કાર્યસ્થળ પર જાઓ.
પિચ, ઝડપ અને લૂપ બધાં ગીતો માટે મફત રહે છે. કોઈ પણ ગીતમાં ઝડપી ફેરફાર કરવા Compact વાપરી શકો છો.
વાંચો: Compact અને Side, લૂપ અને ગીતની પટ્ટી.
Studio સાથે રિયાઝની વધુ રીતો
દરેકને પોતાની પસંદનાં ત્રણ ગીતો માટે Studio મફત મળે છે — એકાઉન્ટ, સબ્સ્ક્રિપ્શન કે સમાપ્તિ તારીખ વગર. ત્રણેય જગ્યા ભરાય પછી દર 30 દિવસે એક ગીત બદલીને બીજા સંગીતનો રિયાઝ કરી શકો છો. હાલની Pro ઍક્સેસમાં પહેલેથી અમર્યાદ Studio ગીતો છે.
ગીત ખોલો અને Studio માં ખોલવાનો વિકલ્પ પસંદ કરો. ગીત પસંદ કરવા અને બદલવા માટે Studio માર્ગદર્શિકા જુઓ. અમર્યાદ ઍક્સેસના વિકલ્પો સેટિંગમાં છે.
એક ધ્વનિભાગ સાંભળો અથવા પોતે વગાડવા જગ્યા કરો
Stem Mix માં ગાયન, ડ્રમ, બાસ અથવા અન્ય વાદ્યો પસંદ કરો અને તે ભાગનું પ્રમાણ બાકીના રેકૉર્ડિંગની સરખામણીએ બદલો. બાસની લાઇન શીખવા તેને આગળ લાવો, ડ્રમની પેટર્ન ધ્યાનથી સાંભળો અથવા ગાયન ઓછું કરીને પોતે ગાઓ.
ગીત વગાડતાં અને તેનો અવાજ કૅપ્ચર કરતાં Stem Mix અલગ કરેલો ઑડિયો તમારા ડિવાઇસ પર જ તૈયાર કરે છે. મિક્સ વાપરતાં પહેલાં પ્રક્રિયા માટે સમય આપો. ગાયન તરત ઓછું કરવા જૂનું Vocal Reducer હજી ઉપલબ્ધ છે.
વાંચો: Stem Mix અને Vocal Reducer.
કૉર્ડ અને લયને અનુસરો
Studio નો વેવફૉર્મ ભાગ શોધવા અને ફરી વગાડવા દૃશ્ય આધાર આપે છે. કૉર્ડનાં નામ અને બીટની નિશાનીઓ તમારા માર્કર તથા લૂપની સીમાઓ સાથે હાર્મની અને લય અનુસરવામાં મદદ કરે છે.
કૉર્ડ અને બીટ વિશ્લેષણ કાનથી શીખવાની શરૂઆત માટે મદદરૂપ છે; પરિણામ રેકૉર્ડિંગ અને સંગીતની જટિલતા પર આધાર રાખે છે. આ સાધનો માટે સમર્થિત કમ્પ્યુટર પર સંગીત વિશ્લેષણના ઘટકો એક વાર ઇન્સ્ટૉલ કરવા પડે છે.
વાંચો: વેવફૉર્મ અને સંગીત વિશ્લેષણની તૈયારી.
રિયાઝ પ્રમાણે કાર્યસ્થળ ગોઠવો
Side પાનાંની બાજુમાં ખુલ્લું રહે છે અને અવાજનાં નિયંત્રણો, વેવફૉર્મ તથા ક્લિપ માટે જગ્યા આપે છે. Play, Loop, Mix કે Clips જેવો સીન પસંદ કરો. પછી જરૂર મુજબ નિયંત્રણો વિસ્તારો, સંકોચો અથવા છુપાવો.
વાંચો: સીન.
અઘરા ભાગનો રિયાઝ સિક્વન્સ બનાવો
સુધારેલાં લૂપ અને ક્લિપ નિયંત્રણો રિયાઝના ભાગ ગોઠવવામાં મદદ કરે છે. માર્કરને નામ આપો, તેમનો સમય ચોક્કસ કરો અને ટાઇમલાઇન પર લૂપની સીમા બદલો.
અલગ સેટિંગ સાથે ભાગને ક્લિપ તરીકે રાખો અને ક્લિપ સિક્વન્સમાં ગોઠવો. રિયાઝ સિક્વન્સથી ટેમ્પો ધીમે ધીમે વધારો અથવા એક જ ભાગ અલગ પટ્ટીમાં ફરી વગાડો.
વાંચો: ક્લિપ, ક્લિપ સિક્વન્સ અને રિયાઝ સિક્વન્સ.
આગામી રિયાઝ માટે તૈયારી સાચવો
Studio રિયાઝનાં સેટિંગ સાચવવા અને નિયંત્રિત કરવાનાં સાધનો પણ સાથે લાવે છે. સાઇન ઇન કરીને ગીતનાં સેટિંગ, લૂપ અને ક્લિપ સાચવો. તે લાઇબ્રેરી → સાચવેલાંમાં મળશે. યાદીમાં ગોઠવો અથવા તૈયાર સેટિંગ લિંકથી શેર કરો.
કીબોર્ડ શૉર્ટકટ અને MIDI અસાઇનમેન્ટથી કીબોર્ડ, કન્ટ્રોલર કે પેડલ વડે રિયાઝ નિયંત્રિત કરી શકો છો. Transpose Player માં કમ્પ્યુટરની ઑડિયો અને વિડિયો ફાઇલ તથા સમર્થિત YouTube, Vimeo અને SoundCloud ગીતો સાથે પણ રિયાઝ કરી શકો છો.
વાંચો: સાચવવું, લાઇબ્રેરી, શેરિંગ, કીબોર્ડ અને MIDI શૉર્ટકટ અને Transpose Player.